مزمرين بالدنيه,,,مطبلين بالاخره

**هونرمند** الخميس سبتمبر 30, 2010 2:33 am

سلام
يمكن عنوان الموضوع معكوس صح الأصل مطبلين بالدنيا مزمرين بالآخرة
بس أنا ماني غلطان
احنا بالفعل مزمرين بالدنيا مطبلين باللآخرة
رح تسألوني كيف

رح جاوب ..........شوفو معي:

من عاداتنا
إذا صار عندنا عرس ...... بنزمر

إذا نجحلنا حدا بالبكالوريا ..... بنزمر

قبل ما تفتح إشارة المرور ...... بنزمر

وبعد ما تفتح إشارة المرور ...... كمان بنزمر

على الدوار وفوق الجسر وعلى النزلة وبالطلعة ... بنزمر

إذا طول علينا الشرطي وهو موقفنا ..... مشان نزكرو بنزمر

أما إذا حدا احترامر علينا بالغلط او بالقصد .... اكيد بدنا نزمر

أما يلي بتوقف سيارتو قدامنا عطلانه ..... مو مشكلتنا بنزمر

إذا طالعين من شارع فرعي لرئيسي بالليل او بالنهار ..... بنزمر

وإذا طالعين شي سيران وخاصة اذا راكبين طرطيرة بدنا نغني واكيد لازم .... نزمر

وإذا عجبتنا بنت ماشيه بالشارع أووووووووه ...... بنزمررررررر

وإذا شفنا ابو فلان بالشارع وحبينا نقلو مرحبا ..... مو حلوة لازم نزمر

ولو قرر واحد منا يخفف مشان يمرر أحد المشاة .... كل يلي وراه بيزمرو

وطبعا إذا فاز المنتخب اكيد شي ضروري إنونطلع ..... ونزمر...........
معي حق ولا لأ؟؟؟؟؟؟؟؟؟؟؟؟؟؟؟؟