حادث بولمان على طريق تدمر دمشق

اصطدمت حافلة نقل ركاب( بولمان) صباح يوم الأربعاء بشاحنة كبيرة على طريق تدمر- دمشق في منطقة الضمير قرب المقبرة الفرنسية، في حادث مروع ذهب ضحيته 5 قتلى و31 جريح 3 منهم في حالة سبات.



وكانت سيريانيوز نقلت في خبر سابق عن شهود عيان إن "الحافلة كانت تسير بسرعة تزيد عن 100 كم/سا وهي قادمة من الحسكة باتجاه دمشق على طريق التوسعة الجديدة الغير منجز بعد، ما أدى إلى اصطدامها بالشاحنة المتوجهة إلى التوسعة الجديدة من الطريق القديم", مضيفين إنه "تم نقل الجرحى وجثث الموتى إلى مشفى دوما التخصصي كونه المشفى الأقرب من الحادثة".

سيريانيوز

بحب نوه للأخوة انو البولمان كان لشركة جيان

الله يرحمهم و يعين أهلن على هل مصيبة...
ما بعرف و صحيح قضاء و قدر بس بولمانات بعض الشركات متل هل شركة يلي بتعود لأيام السفربلك بظن صار الوقت ليستبدلوها ....

اي والله معك حق لازم يبدلوها ..كلون خربانات...على فكرة من مدة سافرت بجيان .... بالطريق تخانقت مع الشوفير والمعاون بسبب السرعة الزايدة.. والباص كان عم يروح يمين وشمال ..وكان رح يسوي حادث والله بالطريق... لما نزلت قلتلو للشوفير والله ما توقعت نوصل للشام بس الله ستر.. قام زورني زورة عجيبة...بس انا كملت طريقي ونزلت

الحمدلله ع السلامة هونرمند
بس أنا شايف أنو السبب الرئيسي هو هالطريق الضيق اللي يادوب يسع لسيارتين مع العلم أنو الطريق دولية وكل التجارة مع تركيا والعراق بتمر عليه وهاد غير حركة اهالي المحافظات الشرقية وخاصة محافظة الحسكة اللي اكتر من نص سكانا صايرين بالشام.
فشو بدو يتحمل الطريق ليتحمل؟؟؟!!!!!