دفتر مذكرات rojava

عنجد شي كتير حلو تليناز وانا بدوري رح شاركك بهل الشي
وبتمنى اني كون عضو دائم بمشروعك

فكرة كتيييييييييييير حلوة تيليناز

عنجد فكرة حلوة كتيير...بس بالنسبة لالي ما رح اقدر فوت كل يوم لانو السنة عندي بكالوريا بس رح حاول كل كم اسبوع افوت

تسلمي يارب لأ اكيد رح حاول طل عليكون كل فترة وفترة ..ما بحسن اترككون ولو

شو شباب اليوم اول يوم بالجامعة شو ما رح تكتبولنا

[size=18]اليوم أول يوم دوام بكليتنا الممتعة جدا جدا واللي الواحد ما بيصدق ع حالو ايمتا يجي الدوام ليروح هنيك ويستمتع بوقتو مع الطلاب المعقدين نفسيا واللي من أول يوم بيسألوك عن دراستك وعن الكتب والمحاضرات عن جد شي بيقرف
واليوم كان أول يوم بفيق فيه لحالي باساعة 6 بدون منبه وبدون ما عقد أهلي لأفيق طبعا هاد مو من النشاط ها
لأني فقت من حلاوة الجو
فقت وأنا ملعونة افطاسي من نسائم الهواء الشامية اللي كانت محملة بالغبرة
العجاج كان غير شكل اليوم
كأنو المكتوب مبين من عنوانو
وطبعا ما كان في أزمة مواصلات نهائيا لأني رحت ع الموقف وكانت الساعة 7 الا ربع وما استنيت غيرساعتين بس لدبرت السرفيس
المهم وبدون طول سيرة وصلت للكلية وكانت الساعة صايرة حوالي ال11 (يعني طواعية راحت علي محاضرة الساعة 8 والساعة 10 ) وما كانو منظمين الفئات و ماكان في عملي كمان يعني الفيقة بكير والشنططة بالمواصلات كلا ع الفاضي
بس كان في شغلة ايجابية وهي اني شفت رفقاتي اللي صايرلي مدة مو شايفون وتمشورنا شوي بهالشوب والغبرة والرطوبة ومع هيك انبسطت بشوفتون
ورجعت ع البيت وانا في كامل نشاطي وحيويتي بعد بهدلة المواصلات واشوب والرطوبة وبعد ما تعبو الرئتين بتراب الوطن وضليت بهالنشاط لآخر اليوم
لا والاضرب من هيك انو زبير خبرني بالمسا انو هو جاية بكرا عالشام شايفين شلون المصايب بتجي ورا بعض
والمشكلة انو هو بيعرف اني رح اتحجج بالشبكة مشان هيك بدي ياكون تساعدوني لشوف حجة تانية بلييييييييز شباب و صبايا ساعدوني
وانتو كيف كان يومكون
بس انشالله مايكون متل يومي ...................... سلام


تقبلو مروري

مرحبا ياشباب ويا صبايا بتمنى تقبلوني معكن .
هلا انا بالنسبة لألي يوم الأحد ماكان أول يوم دوام دوامي راح يكون الأحد الجاي 3/10/2010 لأن مدرسة التمريض في الحسكة الي بدرس فيها مستقلة بذاتها و مالا علاقة بحدة.بس نشاطي لليوم هو أني فقت الصبح لروح ع دوامي بالمشفى( مشفى الجزيرة الخاص ) الي بلشت شغل فيه من أول الصيفية بعد ما صرت سنة ثانية تمريض. المهم بعد مااطلعت ع موبايلي الصبح شفت رسالتين مجهولتي المصدر بس مكتوب من Runnet. ونص الرسالة مكتوب فيه انو في منتدى كردي للطلاب ياريت تشارك فيه فبعد ما رجعت عالبيت فتت ع النت وسجل بالموقع وبعد ما تصفحت الموقع عجبتني فكرة كتبات النشاطات اليومية . فياريت تقبلو مشاركتي المتواضعة .

ولو يا ولات . ميت اهلاوسهلا فيك
نورت هالمنتدى المتواضع

سلامتك تيليناز بس بحب خبرك أنو المعاينة صايرة بألف ليرة ها
بالنسة لليوم المواصلات صارت أحسن لأنو شغلو باصات للنقل الداخلي ع الخط وما استنبت ع الموقف غير نص ساعة
بس عينكون ما تشوف الا النور .
طول الطريق وانا ايدي ع جيوب البنطلون لأني كنت خايف ينلطش مني الجزدان او الشنطة من غير ما احس لأنو كنا مكبوسين مخلل بالباص المسكين اللي ما كان يقدر يتجاوز الغيار التاني من الحمولة الزايدة
المهم وصلت ع الكلية قبل المحاضرة بشوي ولما فتت ع القاعة لأستمتع بالمحاضرات الرائعة اجو علينا دكاترة معقدين نفسيا (بخدي شوفتون كانت عم تكشش البدن) وخصوصا دكتور تشريح العصبية اللي كلو على بعضو كان عبارة عن عقد عصبية
وبعدين رحت لأشتري الكتب ولييييييييييي وليييييييييييي لك شو هدول تقولو مجلدات مو كتب لك ليش ورطت حالي مع هالكلية ياربي.

وبالأخير رجعت ع البيت طبعا بعد شنططة لبين ما دبرت سرفيس والجو كان شوووووووووووووب وكان في شوية غبرا كمان
بس ما ارتحت لما وصلت ع البيت لأنو في مصيبة تانية عم تستناني اليوم زبير اليوم رح يصل للشام ولسا ماشفتولي حل باي واسف على ازعاجكون

والله باين أنو هذا زبير معوفك حياتك ياdleroo

نحن نعتز بالمثقفات الكرديات ...من أمثال تلي ناز ........

وأخيرا أشكر فتاة مدينتي على هذه الأفكار الرائعة ..
وان شاء الله سأتابع مواضيعك كل يوم خميس لان كتبي لا تسمح لي بالغياب عنها..

شيروان أو.......

أسف كتير شباب دايما أنا الأخير
بس أنشاء الله رح أقدر أدخل كل كذا يوم مرة بهل فترة لآنو عندي شوية ظروف مشابهة نوعا ما لظروف شيروان

و أخيرا زبط النيت عندي
ومن هلا ورايح بوعدكون اني فوت بشكل دوري لأني كتييييييييييييير اشتقتلكون
بس انشالله انتو كمان تكونو مشتاقين
وألف مبروووووك الاستقرار يا أخ زبير ( ألف الحمدلله انو هو استقر خييييييي قديش انا مرتاح هلا)
بخدي انا كمان كان في ببالي كتير شغلات بس هلا نسيتون بس يلا انشالله برجع بتذكرون
سلام ........... وبتمنى أيام سعيدة للجميع

هاي كيفكون
بعرف اني تأخرت كتييييييييير بس بخدي بخدي لهلأ كتبي ما كملتون لانو بجامعة الفرات الخدمة ذاتية بدك تطبع الكتب لحالك
والحمدالله مو مخلين دكتور حقير الا ومسلمينو شي مادة من مواد السنة الرابعة ولحق اذا بتلحق كل واحد بيزتلو ستين سبعين صفحة وبيمشي
بس هلا انا استقريت وزبطت وضعي ورح ارجع فوت اذا تستقبلوني طبعا"

انا حياتي كلها روتين ما في شي جديد